Dorra_91472 sur Sekritoo — Questions ❓

Questions ❓

في نهار كيما اليوم صوحبنا بعضنا وليت متاعي سميتك mine حبيتك بلحق و بنيت معاك حياتي كان نهار محلاه أول تعنيقة ليا كانت معاك في النهار هذاكا أول شدة يد عينيك في وسط عينيا ما بعضنا عشنا نهار محلاه علخر رسمت فيه حياتي و كل حاجة حلوة تمنيت نعيشها كانت معاك صعيب الكلام نجمش نوصف اللي حسيتوا معاك نجمش نحكي عليك خاتر إنتي كنت عايش فيا حاجة نابتة في أعماق قلبي حبيتك بطريقة كنت نتمنى شكون يحبني باها بدينا بحكاية مزيانة صحيح الوجيعة و البكا أكثر مل حاجات الباهية أما ما ننكرش اللي أنا حبيتك برشا كنت كي نحكي معاك ننسى الخايب الكل بنيت معاك عيشة محلاها التخماام فيك هلكني برشا كنت نغير عليك برشا من كل شي و أكثر ملي إنتي فيبالك نعرف اللي هذا مكتوب أما مستحيل ننسى حكايتنا خاتر لقيت روحي أنا اللي نجري برشا على relation هاذي ضحيت ببرشا معاك و نسيت اللي دنيا مكتوب ما كنتش حاطة في مخي اللي قلبي بش ينزف دم ما كنتش حاطة في مخي اللي أنا بش يتقطع عليا النفس و نحس بالموت بالشوي بالشوي خممت في الباهي و نسيت اللي أخيب أيام حياتي تستنى فيا و قريب تجي الحمد لله هاني عايشة حياتي صحيح ساعات نحن يوجعني قلبي نتنهد من ضلوع ضلوعي أما اللي فات إنتي حاجة مل ماضي حرقتك و بقى رماادك يتبع فيا بقاو الذكريات يحاصرو فيا بقاو شوي تفاصيل يجيوني في أحلامي أما عادي تجاوزت و الحمد لله 💔💔

Posté par Dorra_91472 le 2021-11-04