Yassine_91097 sur Sekritoo — Questions ❓

Questions ❓

ماتبكيش عليه.. شكونو هو باش تبكي عليه ؟ هو يبكي عليك كي تبعد عليه ؟ زعما يبقى يخمم فيك كيما إنت تخمم فيه ... حتى كي يبعد عليك.. إنت تبكي حتى كي تتعاركو.. كي يعملك فازة.. علاه تخلي فيه يعملك أكاكا أصلا !
تحبو ؟ إيه و هو يحبك أما عامل فيك.. شبيك إنت ما تعملش كيفوو !
حبيت نكتب هذا لصاحبتي و لصحباتي إلي هوما عبرة خواتي و إلي ديما يحكييولي على مشاكلهم و كل مرة نسمع حكاية جديدة.. كل مرة نسمع منهم على أنواع الرجال الموجودة توّا.. كلهم قارين عند فرد مدّب كيما تقول واحدة فيهم.. إنت تتعب أكثر منو.. تحبو أكثر منّو.. تصبر عليه و ديما تعدّيلو.. تسامحو و تغفرلو غلطاطو.. و قد ماتحكي و تحكي ديما يدخل منا يخرج منّا كاينو ما سمع شي و يرجع يعمل نفس الغلطة و يطلب سماح و إنت تسامحو.. لوقته شنبقاو هكّا !! لوقتاه شنخليو واحد يتحكم في حياتنا الكل ؟ لوقتاه شتبقى تتحمل دمهم البارد و قلةإهتمامهم بيك !
لوقتاه شتبقى صابرة على واحد لا علاقة بيك ! فما شكون تلقاه هكّا وباللي يعمل تبقى تحبو و ماتبعدش عليه خاطرك تعرف ظروفو و تعرفو هو كيفاش كان معاك و قداه وقف معاك و قدّاه تحملك هو زادا و مازال متحملك بغشك بهبالك بكل شي تصبر عليه و تبقى صابرة عليه لين يرجع كيما قبل.. و فمّا إلي مايرجعش و عمرو مايتصلح.. تلقى شكون إلي خلاها ومشا قال شنوة هي الغالطة و هو أكاكا يتسبب على غير شي.. إلي يحبك عمرو ما يخليك.. و إلي يحبك عمرو مايتمنّي إنك تنساه حتى لو كان بعيد.. إلي نساك أنساه علاش تستنّى فيه ! و كيما قالت أحلام مستغانمي " أحبيه كما لم تحب إمرأة و إنسيه كما ينسى الرجال".. إنت ماو تعرف روحك ضحيت على خاطرو ؟ حبيتو أكثر ماللي يتصور هو ؟ كهو إنت تعرف روحك و هو يعرف زادا.. بعد كي يتذكر إلي إنت أكثر واحدة حبيتو و صبرت عليه وقتها تو يندم.. أما وقتلي يفوت الفوت.. حتى كان بعد إبكي في النهار هاكا إبكي و فرغ قلبك و بعد أوعد روحك باش يكون آخر نهار تبكي فيه.. تلها بروحك ! أقرا على روحك.. مش باش ينفعك هو.. قرايتك كل شي.. تقرا تولي تخدم بشهريتك و بفلوسك ينجم يجيك ماخير منو.. تي علاه خير منو.. أحنا نجمو نعيشو كان بيهم هوما ؟ نعملو إلي تمنيناه الكل قبل.. قد ماحلمنا توّا مع بعضنا نحققو حلماتنا مع بعضنا.. علاش ضحاب مالا أحنا..
ما تبكيش ! أضحك أقهرهم بضحكتك ! ما تخلي حد يشمت فيك.. مكيج.. زيّن.. برقش.. أخرج و أعمل إلي تحب عليه

Posté par Yassine_91097 le 2021-11-08