Wafa_47790 sur Sekritoo — Questions ❓

Questions ❓

انا حبيت نحكي على انسان ما عنديش برشا ملي عرفتو بطريقة هاذي صحيح نعرفو تو ثلاثة سنين اما ما كنتش غير صاحبة مقربة ليه

هو استاذي قراني فالفاك عامين كنا جيست اصحاب نحكو و نفدلكو موش اكثر

عمري ما كنت نتخيل انه انا نهار بش نحبو ولا بش نتعلق بيه هكا الحكاية بدات من بعد التخرج متاعي

بعد التخرج بقينا كالعادة نحكيو حتى لين نهار مرضت بالكورونا وقتها تعبت برشا و ما لقيت حد يسال عليا ولا لاهي بيا

كيف استاذي يكلمني صباح و ليل و بالرغم الي احنا ماناش من نفس الولاية انا من تونس و هو يبعد عليا 200كم

اما ديما يقلي انا معاك و تحب نجيك تو نجيك كان تاعبة خليني نجيك

من وقتها حسيت الي هو خايف عليا اكثر من خوف استاذ على طالبة اما ما حبيتش نحطها في مخي الحكاية.

من وقتها كثرت المكالمات و كثر الاهتمام و الحنية لي ريتها في عينيه عمري ما ريتها

محسسني كايني ملاك موش انسان اي حاجة انا نقولها ولا نعملها هو يراها حاجة كبيرة عرف بطريقته كيفاه يجذبني وليت نخمم فيه ديما نتحير كي ما يكلمنيش نهار بعد نهار

و شهر بعد شهر ولات علاقتنا رسمية و ولى يحبني اكثر من روحو و انا نسيت لي تعدى عليا الكل و الحاجات الخايبة لي عشتها الكل تمحات و معاه عرفت المعنى الحقيقي للحب .الي قالو بش يجي نهار و ربي يبعثلك انسان يعوضك على كل حاجة خايبة عشتها

عندهم الحق خاطر انا الانسان هذا كان العوض على مرارة الايام لي عشتها . انا قبل كنت رافضة اي علاقة خاطر عشت علاقة فاشلة

برا يهلكو و يدبدب رايو قولو امين .

اما وقت عطيت فرصة للانسان هذا دخل حياتي الحمد لله ربي عوضني على كل دمعة هبطت من عيني

نحب نقلك ربي يخليك ليا يا احلى استاذ شافتو عيني

Posté par Wafa_47790 le 2021-11-20