Mariem_72463 sur Sekritoo — Questions ❓

Questions ❓

اني عندي 3 سنين لتالي تعرفت على واحد محلااه حبني برشا و تلاهاا بيا و ما خلانيش لحظة وحدي

و كناا متفاهمين برشاا و ديما نسمع كلامو ولا عمري كسرتلو كلما ولا جرحتو ولا وجعتو بكلمة

لدرجة سمعت كلامو ووصلت تضريت في قرايتي و عاودت الباك جرتوو

بحكم ديما يقلي ايتييد فيه اولاد تقراش سوايع زايدا لاا ايتيد لعشيا لا في دار بروف

لا يعني تضريت برشاا خاترني سمعت كلاموو و نهار النتيجة كي كلمتو

قالي ميسالش العبرا بالتجربة و لوح عليك تعاودش و كلام اخر ..

وقتها اني كليت كف و حطيت في قلبي

و نجحت السنا و سمعت كلام ماما الي تعبتها معايا برشا وقت كنت نسمعش كلامها كي تقلي امشي اقرى اما تو الحمد لله …

بعد كي جيت للفاك فقت على روحي و ندمت برشا عالوقت الي ضيعتو

و الفرصة الي خسرتها كي خسرت عام من عمري

و بديت نتجرء شويا وكل مرة نسالو يخي احنا لوين باش نوصلوو احنا شنوا نهار اخر

بحكم هو يحب مرا في الدار و تخدمش و حت نهار اخر بنتو مستحيل تعفس الفاك ولا تبات لبرا لازمني نختار بديت ,حايرا و خفت على مستقبلي و برشا حاجات

اني حبيتوو عاللخر ومانيش ناكرا حبو ليا ولا تعبو معايا وخوفوو عليا و ما ننساش حتى لحظة حلوا عشتها معاه

اما تو حايرا برشا بحكم هو كلمني وقالي راك تبدلت و ماكش كيف قبل و مزلت تحبني ولا

قتلو اعطيني شويا وقت نفهم روحي ونراجع روحي و تو نقلك خاتر برشاا حاجات تبدلوو

قالي فهمت كل شي و هانو عليك 3 سنين و اني هنت و ربي معاك و سامحني كان قلقتك و هانا قدامك الوقت

و كي تطلبني قلي شقررت رغم اني عارف قرارك ,لازمني نختار

Posté par Mariem_72463 le 2021-11-20