Yasmine_24736 sur Sekritoo — Questions ❓

Questions ❓

كيفاش ننساه ؟؟

انا حبيت انسان برشا لدرجة اني جامي طمعت فيه و لا طلبت منو حاجة في حياتي و حتى في صلاتي ندعيلو قبل نفسي..

و هو إنسان زوالي اما انا بقيت معاه و عاونتو

و كنت حتى نحي من روحي و نعطيه و جامي خليتو يحتاج لاي شيء..

نعاونو و نقولو راهو يجي يوم و يفرج ربي

حتى جا وين تخلى عني من دون ما عملتلو شيء و قالي انو هو مش قادر يكون حتى مع بنت

و بلي كره الحب و طلب مني اذا مش حاب نخسرو بعضانا نبقاو اصدقاء

مدامني نحبو قبلت نبقى قريبة منو باش منخسروش

و في نفس الوقت مزلت نحبو و نغير عليه و جا النهار وين كانت الصدمة في حياتي و شفتو مع وحدة غيري..

مرضت و تعبت و تقابضنا …و بعد مدة رجعنا مع بعض اصدقاء و قالي الى هو جبد روحو عليها و على كل شيء و كان ديما يقولي انو رح نضلو مع بعضنا

لكن بعد مدة 6 شهور عاودت شفتو معاها و تعبت و تجرحت برشا و لمتو و عاتبتو…

و قالي معندو ما دخلك في حياتي لانو احنا اصدقاء مش صحاب…

غاضتني روحي و جرحني كلامو برشا…

كيفاه عطاه قلبو يجرحني بعد ما وقفت معاه و حبيتو و جامي خدعتو و مع العلم وقفت في وجه كل واحد كان يحب يبعدني عليه

اما هو ظلمني و تعبني..

ملقيتش كيفاش ننساه ؟ واش نعمل ؟ و في رايكم هاذا الانسان يستاهل يجي يوم نسامحو؟

Posté par Yasmine_24736 le 2021-11-21