Farah_72957 sur Sekritoo — Questions ❓

Questions ❓

نحس في روحي ضعت و الي زاد ضيعني الي اني نعرفش علاش ضعت من اصلو .. فماش سبب .. اما نحس في روحي نحب تتصالح مع روحي و نعرفش كيفاه ... ديما نتبسم و حتى يجيني كريز ضحك منغير سبب كيما نجم نتقلب في لحظة و نولي كيف ابليس .. كل ساعة و علمها .. معاش نعرف نحكي و الا نجاوب و الا نتصرف .. نوع من انواع الانفصاف .. .. وليت عندي تصروفات عمري ما خممت نعملها و كلام وفازات منيكة ياسر .. نذل في روحي و زيد نتشمت و بعد نندم و بعد نتصلح و ناقف من جديد .. و نرجع مالصفر .. نسيت روحي شنية تحب شنوا هوياتها شنيا احسن حاجة شنوا احسن احساس ... طولت باش نقولها .. ضيعت روحي في وسط زحمة الروتين و فقت بعد ما فات الفوت ... قلت نلقا حل و سرحت في رحلة البحث .. عملت كيما الي يبدا يلوج في تبديلة ينحي و يقيس .. انا نحي و نقيس في الطبايع و في الشخصيات ... نجرب و انتستي لعّل و عسي نلقاك يا روحي ... تعبت من غيرك يا روحي نحب نلقاك و نتصالح معاك و معاش نسيبك :')

Posté par Farah_72957 le 2021-11-21