Farah_72957 sur Sekritoo — Questions ❓

Questions ❓

حكايتي بدات عرست بإنسان حبيتو و قلت هذا الإنسان ال يستاهل نكمل معاه حياتي، قبل العرس كان وين نحطك يا طبق الورد مشفتش عليه حاجة تخليني نشك فيه و الا تخليني نتراجع على العرس المهم عرست و كنت فرحانة كيف أي ولية تحب تتهنى و تفرح أما خسارة فرحة و ما دامت بدأت تظهر العيوب بديت نشوف في تصويرة الحقيقية مبحبش يصرف على دارو معمل أمو مرا كبيرة تصرف علينا و بعد حبلت و من فم بدات المشاكل تكبر أقل نقاش حتى بسيط يضربني و حتى أنا حبلى محترمنيش صبرت قلت بالك ربي يهديه و جبت ولدي ولى أكثر و أكثر حرمنا أنا و ولدو حتى من أبسط حقوقنا وليت كان مشيت لدارنا كليت مكانش نقعد للشر و هو ياكل و يشرب عند أمو المهم وليت نجي نتكلم ناكل طريحة لين وصل بيه الحال ولى يهدد فيا بالقتل مع العلم أنها كلها على أشياء بسيطة المهم توا أخر مرة ضربني مشيت شكيت بيه و القضية في المحكمة نحبكم تنصحوني راني ضعت محيرني ولدي ال باش يتربى من غير بو و من جهة أخرى كرامتي ال مسح بيها القاعة

Posté par Farah_72957 le 2021-11-28