Takwa_21562 sur Sekritoo — Questions ❓

Questions ❓

عسلامة ، المشكلة هذه تقريبا كل عام نكتبها على أمل إني باش نحسن من روحي و شيء ...
أنا إنسانة نكره القراية و نحسها مشكلتى الوحيدة فى الحياة.. عندي خوف كبير منها لدرجة اني خسرت عام من حياتي جرت الخوف.. العام الى فات انا بكالوريا و نجحت ب mention trés bien و أنا الباك عديتها بالسيف و قريب نبطل القراية . نتذكر نبدا ندعى ان شاء الله ننجح حتى ب 9.. الخوف بالنسبة ليا ما يمثليش دافع باش نقرى بالعكس كيف نخاف نسيب كل شيء و نقعد نبكي ... كل عام نقول السنا كبرت و معادش متاع الأحاسيس هذه و باش نعمل شخصية لروحي نلقى بالعكس حالتي تزيد تتأزم ، تبدأ انا لولة متاع القسم و نحس الي اللخر متاع القسم قارى خير مني و عندو معلومات أكثر منى.. ما عنديش شخصية ديما نحس روحى خذيت الأعداد الباهية هذيكا بالزهر ولا نقول الاستاذ عاونى.. لين جات الباك و أثبت لنفسي انو بجهدى أعدادي. أما شى ما تبدل شي ، يا رسول الله نقرى جامعة و الخوف متاعى عبارة خوف وحدة تقرى أولى إبتدائى!! ( على فكرة رانى كثيرة الغيابات و مشكلتى السنا كما خذيت systéme ecole زذت كرهت القراية و حسيت روح مكبلة )
نعرف الى حكيت برشا و ممكن يجيكم كلام مش منظم متاع إنسانة ماعندهاش حتى مستوى تعليمي لكن انا توه نكتب في أي كلمة تجي في بالي لعل تفرغ قلبي شوية و نرتاح ... سامحوني طولت عليكم نحب أى حد ينصحني ؛ يقلى كيفاش نجم نتجاوز الأحاسيس هذه! كيفاه نتحكم في خوفى!!!

Posté par Takwa_21562 le 2021-12-05