Aymen_75078 sur Sekritoo — Confessions 🤫

Confessions 🤫

تو كي تبدأ تخلص مليون و 500 .. يعني تخلص ف العام 18 مليون.. باهي فرضا ما طردوكش وما مرضتش وما هبتلش وما شديتش الحبس او مرتك ما شكاتش بيك ع النفقة او ما ضربتكش كرهبة .. انتي كموظف باش تخدم 35 سنة carrière .. يعني 35*18 مليون سنويا يجيو = 630 مليون..
يعني انتي ف المعدل باش تخدم طول عمرك لسن 63 عام..كل يوم.. 6ايام على 7ايام.. 11 شهر على 12 شهر ...
يعني انتي تو بكلك تسوى 600 مليون في صورة ما خدمت طول عمرك.. أما توا ما تسوى شي..
نجيو نشوفو في Google 600 مليون اش يجيبولك.. لقيت انهم ما يشريش دار في lac.. وما يجيبوش كرهبة مازاراتي ولا حتى خردة Mercedes modèle 2021.. ما يعملوش حتى عملية جراحية البرا..
طبعا امام انك تلقى روحك رخي*ص.. ذل*يل.. ما تسوا حتى فرنك.. وانو شبابك وعمرك و شيخوختك و تعبك فالخدمة طوال حياتك ما يجيبوش حق كرهبة او عملية جراحية ....
اي واحد يحس روحو عندو ربع راي مهم او وجودو مهم او عندو ربع ثقة في روحو او
يحس روحو مستقبلا باش يقوم بعمل مهم يحسب شهريتو *35سنا خدمة و بعد قرر ...

Posté par Aymen_75078 le 2021-12-13