Rami_55694 sur Sekritoo — Questions ❓

Questions ❓

- قداه من مرة تعاركنا اليوم ؟

- ثلاثة مرات و أخر عركة قتلك توا ليل خلي نكملوها غدوة

- و ماكش ناوية تنقص من صحة راسك ؟

- نشيخ عليك كيف تبدى مغشش ههه

- أما مش في صالحك الحكاية

- شمعناها ؟

- معناها يجي نهار و نفد مالعرك و معادش نوسع بالي

- تقصد يجي نهار و تفد مني و نهون عليك ؟

- كاينها بداية عركة أخرى ههه

- جاوبني..

- كيفاه بش تهون عليا و إنت فيا
مانجمش نفد منك وقت إلي نهرب مالدنيا نتخبى عندك
إنت و تفدليكك الماسط و صحة راسك و العرك و الخنار و الغش أسباب تخلي روحي تهون و إنت ماتهونش..

- تفاصيل هذيكا هي إلي تخليك تفهم روحك و تعرف طاقة التحمل متاعك قداش بش الدوم..

- و العرك زادة ههه

- ماو مانجمش نبقى رايضة لازم عركة بش بعدها ترضيني و تقلي نحبك..

- نحبك بالعرك و لا بلاش

- و أنا نحبك أكثر كيف تكشبر و تتبسم بعدها بدقيقة..

- شفت إنت الي تحكم في الحالتين..

- المفيد مانيش بش نهون..

- تهون الدنيا و إنت ما تهون ..

Posté par Rami_55694 le 2021-12-19