Aymen_75078 sur Sekritoo — Questions ❓

Questions ❓

- نحب نصلي، أما بصراحة موش توة!
- و علاش ؟!
- يا نصلي على قاعدة ولا مانصليش
- و شنوا يمنعك انك ماتصليش على قاعدة ؟
- تحب الصراحة ؟!
- أي اكيد نحب الصراحة
- راني مازلت مدخلها بعضها، نعمل في برشا حاجات غالطين ووو.. و من اللخر اموري ماتعجبش ..
- أي شمدخل هذا في هذا ؟ انت صلي و بشوي بشوي نحيهم و كي تبدا تصلي ونت هكك خير من انو ماتصليش جملة
- أي ماني نولي منافق عاد هكك !!
- لا شكون قلك هالحديث .. مافماش واحد في هالدنيا ماهوش يعصي في ربي مهما كان علمو و منصبو ، يقول الرسول صلى الله عليه و سلم :" لو لم تذنبوا لذهب الله بكم و أتى بقوم يذنبون فيستغفرون فيغفر لهم"
- معناها ك نصلي و نعمل في حاجات غالطة نورمال ؟
- لاا ، أما كي تصلي و تجتهد تحب تبعد على المعاصي خير ملي ماتصليش أصل و يوم القيامة تقابل ربي وانت تصلي خاطر أول حاجة بش نتسألو عليها هي صلاتنا قبل اي حاجة باهية يتخيلها مخنا..
- باهي كلامك صحيح اماا !!
- باهي اسمعني نص ساعة من 24 ساعة تنجم تلقاها ؟
- أي اكيد
- الصلوات الخمسة تقريبا يشدوك نص ساعة معناها المشكلة موش وقت او معاصي او اي حاجة اخرى .. يعني توكل على الله و اعزم انك تبدا من تو تصلي !
ربي سبحانو يقول :" إن الصلاة تنهى عن الفحشاء و المنكر"
فإنت وقت اللي تبدا تصلي وحدك وحدك صلاتك باش تخليك تبعد على المعاصي بشوي بشوي ..و تستحي من ربي لأنها صلاتك عبارة على دواء ،مافماش واحد يقول ما ناخذ الدواء الا ما نبرا !
أعزم و اصدق في توكلك على الله و ابدا صلي من اليوم و رد بالك يلعب بيك الشيطان مرة اخرى على خاطر أجلنا مانعرفوش وقتاش يوفى..❤

Posté par Aymen_75078 le 2021-12-20