Cyrine_1152 sur Sekritoo — Questions ❓

Questions ❓

انا طفلة عمري 27 سنة، توا 8 شهور ماللي تعرفت على شكون عمرو 32 و نحكيو و نتقابلو، الطفل باهي معايا، يحترمني، نخرجو نعدي معاه وقت باهي.. يصلي يترانا، ما عندوش زايد لا دخان لا شراب الحمدلله ، يحضر في دارو ، الزوز انا وياه بخدمتنا و لاباس شهارينا محترمة، نعديو النهار نخدمو و نتفقدو بعضنا و آخر الليل نحكيو لين يهزنا النوم .. انا ماللي عرفتو نظمت روحي، نحكي كان معاه و نعلمو بكل صغيرة و كبيرة .. حكينا مرة على خطبة قلي نعرفك على خواتي البنات تتقابلو و نخرجو و بعد ربي يسهللنا .. المشكلة الموضوع هذا جبدو من أول العلاقة، توا من وقتها ما عاودش حكى على الخطبة جملة، حتى وهو يحضر في الدار ما يوريني شي و ما ياخو رايي في حتى شي .. كان كيف نسألو بالصدفة نقلو شنية القضية مثلا اللي مشيت تقضي فيها يقلي راني جبت فلان و ڤدلي كذا و كذا في الدار .. بخلاف هذا انا خارج الصورة تماما، راني والله لا طمع ولا نحب نتحكم ولا شي ، أما نحبو يبيّنلي اللي هو ناوي على الخير لا أكثر لا أقل ، خاصة اللي احنا أكثر من خمسة شهور نحكيو كان في تحبني و نحبك و الصحيح ما فماش ..
الحقيقة ساعات نشك اللي هو عندو وحدة أخرى في حياتو ، خاصة وهو قلي كان خاطب و بطل ..
ما عرفتش شنوة نعمل باش تتعدى العلاقة لمرحلة جدية أكثر ..

Posté par Cyrine_1152 le 2024-07-28