Manel_62426 sur Sekritoo — Questions ❓

Questions ❓

أنا عشت طفولة صعيبة خرجنا منها أنا و خواتي معقدين نوعا ما. كلنا حاليا محناش مرتاحين نفسيا. الصلاة ممكن تكون عاونتني شويا أما باقي مريضة نفسيا. بابا كان معصاب برشا. كل ليلة يتعارك مع ماما بسبب و منغير سبب. كل ليلة تكسير كل ليلة عياط كل ليلة فضايح فالجيران. و أحنا الثلاثة نهربو نتخباو لين توفا لعركة. حاصيلو كبرنا و لقينا رواحنا نعاودو في نفس سيناريو كل واحد منا في عايلتو. أنا بخلاف هذاكا تعرضت لنوع مل التحرش من زوز أقارب. الشي الي ليوم وصلني باش نعيش منعزلة عالعباد. نكره لعباد لكل و ديمة نقرا النية لخايبة. و نراهم منافقين. كذابين. ما نحب حد و ما يحبني حد . و ما حاشتيش بمحبة حد. عندي كره للعباد بصيفة عامة. راجلي نحبو نوعا ما. نسميها عشرة أكثر منها حب. نعيش فترة رايضة مركزة مخي مرتاح. و بين نهار و ليلة نعمل معاه عركة من لا شئ كيف ما كان يعمل بابا بالظبط. نحس روحي نتصرف كيف بابا مش أني فاللحظات هاكي. نفس لعياط نفس تكسير نفس كل شي. و بعد نندم و نقول علاه عملت هكاك و نرجعو نعيشو فترة رايضين و rebelot. نحب نمشي لطبيب نفسي أما ما ظاهرلي كان مش نلقا حل نهائي. ولادي بداو يتعلمو فالعنف الي يراو فيه من فترة لفترة. frequence أقل من بابا أما العنف هو هو. نحب نسكر القوس نحب ننسا لقديم لكل و نحب إنقص من كرهي للناس الي ما نعرفهمش و قلة ثيقتي فيهم. نحس مخي متبلوكي بالحقد تجاه العباد ككل.

Posté par Manel_62426 le 2021-12-31