Seif_29473 sur Sekritoo — Questions ❓

Questions ❓

حكايتي غريبة برشا كي نشوف ندادي ولي اصغر مني
ناس مالصغرة الشارع تعرفو وعندها غلاقات بنات واولاد انا وصلت 25 سنة بيش عرفت الشارع وبيش عرفت شكون جيرانا بما انو العمر موخر برشا بيش الواحد يعمل علاقات الا انو للحين معنديش صحاب ومعنديش مع شكون نحكي وهذا اثرلي سلبا في نفسيتي و في حياتي ككل
حتى الواحد ميعرفش يتصرف في عمر وصل 36 سنة ويتزبلح بسهولة لا نجدمت نعيش مع المجتمع هذا ولا نجمت حتى نحكي كالعباد في وسطهم نبقى مبهم ومرات منفهمش فاش يحكو اصلا
والسبب هذا من الولدين لا يخلوني نخرج لا نخالط لا شي كبرت معقد للاسف
حتى بيش ندبر خدمة منعرفش لشكون نمشي حبست ومعرفتش شنعمل
خويا توفى عندو 3 سنوات قبل مايموت ديما يقول للوالد مش مسامحو على خاطر مشافش في عمرو حتى شيء ماكلو حقو ويخدم عليه ومصروف متلقاش عندو
معاد فاهم شنحكي وشتنخلي بعد هذا الكل الوالدة تتعب في وفاة خويا وزيد تعبتني انا معاها حتى كيف نخرج تبقى في الدار تحكي لخواتي كفاش يخرج وتعمل حالة
كيف نبقى في الدار نقعد بالشهر واكثر الشارع منعفسوش
تجي تقلي لمتى هكا لا خدمة ولا دار
قلت ميسالش نمشي نشوف خدمة بالصدفة يكلمني طفل قرا معايا قالي فما خدمة هيا نخدمو كيف حضرت روحي بيش نمشي الصباح انا خرجت مالدار ويكلموني خواتي يقولي بباك قالك هيا روح متخدمش ولي تتخدم بيهم تنخلصك فيهم انا
وهوما مش فاهمين الي نحب نعمل على روحي
بدا العرك وعامل حالة تتقولولي شبيه مكلمكش مزلت في الدار نقلكم عندو 3 سنوات من نهار لتوفى فيه خويا يرحمو ميكلمنيش بدون سبب.
تعقدت وزيد تعبت اكثر. مرات نخمم نقول الواحد مش مرتاح مش مرتاح خليني نشنق روحي ونرتاح مالعيشة الكلبة هذي الي حتى حد ماعاشها.

Posté par Seif_29473 le 2024-08-08