Sami_13091 sur Sekritoo — Questions ❓

Questions ❓

نصيحة من خوكم
متحاولش تضغط على روحك برشا خاطرك كبير العيلة و الا خاطر ديما تظهر قوي و تتحمل كل شيء و تقبل الضرب في عوض داركم اصحابك احبابك خاطر قوي و تتحمل و ميسالش تمشي لبلاصة وحدك تبكي تفرغ قلبك و ميسالش تلقى شكون تحكيلوا تتجرد قداموا و ميسالش تتلهى بروحك بدنك صحتك لبستك معاش تخلي روحك اخر اهتماماتك انت و مسبق الدايرين بيك على روحك و ميسالش خليهم يتحملوا مسؤوليتهم شوي و حتى كي يتوفالك عبد تعزوا والا تخسروا اعطي الحزن قيمته لا اكثر لا اقل و تلهى بصحتك و نفس على روحك شوي
صحيح تشوفوها حكاية تافهة اما بطول المدة تولي تركمات و اضطربات نفسية كبيرة و بحكم انت تعودت قوي متنجمش تبين الشي هذا لازم ديما واقف على ساقيك في احلك ايامك و الناس مصدقة لي انا لاباس تطلب منك اكثر قوة و انت من داخل معاش فيك قوة باش تبقى قوي
نصيحة اخوية اش خلاني وصلت حسيت انا مش انا تبدلت في نظر روحي معاش عارف روحي و وصلت ل اخصائي نفسي و طبيب نفسي
و الله المستعان ثمة حديث بما معناه فرهدوا رواحكم و نقصوا ضغط على رواحكم راهي النفس تتعب و تفد و تمل
و مرض البدن اهون من مرض النفس
الله المستعان و دمتم سالمين

Posté par Sami_13091 le 2022-01-15