Fares_22936 sur Sekritoo — Questions ❓

Questions ❓

ىني وليت كل نهار نضرب في روحي بالكف ونسب في روحي مادام أحسن طفلة حبيتها فكها مني واحد أعمى وبكل سهولة: ايا سيدي نهار أنا وخطيبتي قاعدين في وسط البلاد، شفنا واحد ضرير مش يحب يشق الكياس. ايا بعثتها مش تعاونه خاطر أنا وقتها نتكلم في التاليفون. ياخي بعد ما شقت بيه الكياس في الجهة المقابلة بقاو مدة يحكو مع بعضهم... اني ماللول ضنيت أنها تنعت فيه على بقعة سألها عليها... الهدرة طولت بيناتهم لين أنا مشيت وكي السيد سمع صوتي بدل الحديث وشكرنا ومشى على روحه.... من هاك الوقت الطفلة تبدلت معايا على الرغم لي أنا كل شيء موفرهولها وقبل ما تسير الحكاية هاذي كان جونا باهي في كل شيء وكانت تحبني..... كثر العرك بيناتنا وعلى أتفه الأسباب لين جا نهار بعثتلي الدبش مع اختها وقاتلي المكتوب وفا!!!!! حسيتها إهانة ليا وقلت لازم نتبع الخيط ونشوف شكون هاللي فكها مني وباش خير مني هو؟؟؟؟؟ زدت تنكت في راسي كي لقيتها تحوس مع هاك الأعمى لعنة الله عليه. مانيش عارف على ولديه آش عمللها السيدة واللات تضحك وزاهية أكثر من قبل وتلبس خير من لي كانت معايا على الرغم الي معاها أعمى ما يراش لبستها! ما نخبيش عليكم مشيتلهم طول حبيت نسألها علاش عملت معايا هكا؟ هي سكتت وهو بدا يعيط عليا لين ضربته، والحاصل دخلنا في ضارب ومضروب..... من غدوة يزيد يجيني استدعاء مالمركز مشيت غدي نلقاه شايخ ضحك مع البوليسية ومن غير مقدمات دخلو فيا بالضرب والسب على الرغم لي السيد هاذا ظالمني من جميع النواحي.... من وقتها أيست والحكاية بقات جرح في نفسي... 😢

Posté par Fares_22936 le 2022-01-22