Cyrine_10551 sur Sekritoo — Questions ❓

Questions ❓

عسلامة .
انا قصتي طويلة برشا و نتمنى النصيحة بصدق مالنساء و الرجال في عمري و اللي اكبر مني و مروا بتجارب في الحياة .
حكايتي بدأت مللي جيت للدنيا في وسط بو وأم ديمة في مشاكل .الأم زوالي وعاقلة عازة المسؤوليات الكل ترجموا تقولو عي الأم والبو في تفس الوقت. والبو شرب و خيانة و يصرف على روحو . والعنف المستمر
الحمد لله كملت قرابتي وانا وخواتي واصلين بالقدا في قرايتنا. محترمين و مثقفين . شاءت الاقدار تعرفت على راجلي و بعد هاجرت لدولة عربية نخدم بمركز و شريتي قوية برشا ولله الحمد . اتا غلطت كوني تحملت معاه المسؤولية على بكري و عاونتو فيبالي قريت فيه الخير و بحكم شهريتي قوية برشا كنت تقريبا هازة 75 % من كل المصاريف والمسؤوليات على كتافي . الله غالب كنت نلوج على راجل حنين نحس معاه بالأمان و يعوضني على الأمان اللي مالقيتوش في بابا. المهم بعد العرس قتلو خلينا نهاجروا لأوروبا نستقروا. هو هاجر وانا قعدت نخدم في نفس البلاد بعد مدة فقت بيه خانني و صار برشا تدخلات و سامحتو. قعد مريقل اما انا ماعادش عندي فيه ثقة جملا و باقي يطلب مني نزيد ناقف معاه ماديا . الحقيقة انا تعبت ستة سنين وانا تاعبة و نخدم و نعطي ناخممتش في روحي جملا .ماعرفتش وقتاش باش يفرحني ولا يعوضني . اصلا نحسو مايخممش فيه الشي هذا .
المهم توة انا أوراقي قريب يحضروا و باش نخلط عليه والحقيقة خدمتي و قسمي في البلاد العربية الأخرى مش هاينة عليا . مانعرفش عندي خوف كبير رغم اني باش نستقر في دولة أوروبية اما مانعرفش علاش خايفة منو ماعادش ناثق فيه و وليت عاملة حساب الغدر منو في أي لحظة . خايفة نمشي بحذاه نقعد في الدار و نخسر خدمتي اللي هي الحاجة الوحيدة اللي ساندتني في الدنيا . عو حتى في المصروف مايصرفش وكي نطلب منو يبدأ يتشحح و كي يعطي مرة ثنين وبعد تحسو يقلق . قالي اعمل حسابك تبدأ تصفي امورك باش تجي وهوكا شوف على خدمة و تحبل باش تأخذ كونجي خاطر عندهم المرا كي تحبل تأخذ كونجي عام والشهرية تتصبلها. الحقيقة صحيح انا عمري 35 معرسين عندنا ثلاثة سنين اما مانحبش دوب نمشي حذاه نحبل. مازلت نحب تاخذ وقت و نشوفو و بعد نقرر نجم نجيب منو صغير ولا . موضوع كيفاش ضحيت معاه و عطيتو عمري و تعبي و شقايا فالاخر مشى خانني عملي صدمة في حياتي و وليت ماعادش عندي ثقة . حرت والله و مش عارفة شنعمل نغامر بخدمتي و رزقي و نمشي بحذاه ولا شنعمل . شكرا

Posté par Cyrine_10551 le 2024-08-13