Rami_1977 sur Sekritoo — Questions ❓

Questions ❓

ما كنتش نتصورك هكا تنكر في تعبي معاك و محبتي و خوفي ليك سنين هاذي لكل كنت نقول لا قبلك و لا بعدك كنت متعلق بيك لدرجة قدامك نضعف و نولي كطفل الصغير ما نشكي و ما نحكي همي كان ليك.
عطيطك من لحمي و بعتني ربي كان يعلم بيا قداه كنت تاعب في حياتي و قداه حافظت عليك و قداه كنت مدللك و ما خليتك ناقصة شي برغم ظروفي تسمحش نعطي اما ما بخلتش عليك وين نتعب و نوصل نأيس نتفكرك و نقوم من لول جديد.. ما نلومكش و الله اما نلوم روحي خاطر سيبت روحي معاك و خممت فيك و نسيت روحي.. حتى في دعاء ندعيلك و ننسى روحي و سبحان الله كل ما ندعيلك بحاجة ربي يكتبلك فيها.. و بلي صارلي من تعب منك و بلي ريت عوج و نفاقك منك عمري ما خممت نبعد عليك حسبي الله.. شكون معاك في كل غصرة و شكون لي كان ينصح فيك و شكون كان معاك في مرضك و تعبك ؟؟ شكون لي كان يجيك من اخر الدنيا بش يعدي معاك ساعتين و يضحكك فيهم و يبدلك فيهم الجو ؟ نسيت هذا الكل و قعدت مركزة كان على المدة لخرة لي عشناها و لي هيا فلخر حاجة عادية و تصير على اي زوز ! حتى في هاك المدة ما خفتش و كنت نجيك و نفرحك و ربي يعلم بيا وقتها بش نجيك قداه نتعب و نحرم روحي من ابسط الحاجات لا لشئ غير برك نشوفك فرحانا و ننساو المشاكل و نأكدلك لي انا صافي و مزلت حاشتي بيك.. صحيح كنت ساعات على اعصابي و نتغشش فيسع اما عمري ما نخليك متغششة مني و ما نرقد كان ما نرضيك.. ما غلطتش معاك خاطر لا خنتك لا سبيتك و لا طيحتلك قدرك.. عكسك انتي لكنت نتبجل على برشا حاجات و كنت نشوفك ديما اصحابك تخيرهم عليا برغم التقصير متاعك و الانانية.. انا في هذا الكل لقاهرني هو نكرت العشرة و نكرت الخير متاعي و تعبي.. فما ربي في الدنيا و الدنيا دور و عارفك بش ترجع والله عارف اما و الله عمري ما نسامحك و الله و حسبي الله و نعمة الوكيل فيك الف مرة ❤

Posté par Rami_1977 le 2022-02-01