Aziz_7166 sur Sekritoo — Questions ❓

Questions ❓

سلام يا جماعة بالاهي باش نحكيلم حكايتي راهو يعلم بيا كان ربي
عندي شهرين ملي عرفت طفلة هي من سوسة و انا من تونس
الجمعتين لولالين تعداو محلاهم و ديما نحكيو بحكم هي كانت تخدم في poste ماعندهاش برشة شارج و بعد نقلوها لبلاصة اخرى و ولات معادش عندها وقت كيما تقول هي و انا في خدمتي مرتاح و ديما عندي الوقت باش نحكي معاها اما هي ديما متهزش عليا التلفون و الا ساعات تعلق انا نقول عندها خدمة اما مبعد كي نحكيو تقلي كانو بحذايا الي يخدمو معايا و درا شنوا بالرغم الي هي عادي كان تحكي قدامهم
المهم بحكم البعد مشيتلها انا مرة لسوسة و عدينا نهار محلاه
و بعد النهار اذاكا عدينا ايمات محلاهم و بعد رجعت تتصرف معادا درا كيفاه نحسها باردت معايا و موش عاطيتني اهتمام و كل منقلها شبيك تعمل هكا تقلي تاعبة
انا لحقيقة نحبها بصيفة غريبة لدرجة اني منحبش نعاركها باش متبعدش عليا اما شيء هذا رجع عليا انا بالخايب نحس في روحي داخل في deprition عندي جمعة منكلش و نازل كان على الدخان و ديما قلبي مقبوض نحس فيه باش يترشق
مرضة والله و منيش عارف لش نعمل ساعات نشد البكية بالسيف و مانحبش نقلها حتى شيء اما كيف نكلمها يتنحا كل شي و ترجع فيا الروح اما دوب ماتعلق نرجع كيما كنت مخنوق و قلبي مقبوض
انا انسان مشكاك برشا اما ديما الشك متاعي نخليه في قلبي و منقلها حتى شيء
نحبها و منحبش نخسرها و في نفش الوقت منيش لاقي الاهتمام الي نحب عليه
سامحوني طولت عليكم اما راني تاعب و مستحق نصيحة

Posté par Aziz_7166 le 2022-02-05