Sami_50686 sur Sekritoo — Questions ❓

Questions ❓

اليوم في الطريق مانيش عامل فيزيت للكرهبة حبسني الحاكم وقفت وديراكت قتلو ما عنديش فيزيت قالي المهم أنت لاباس قتلو الحمد لله عاود سألني لاباس عاودت جاوبتو وقتلو بش تعمل محضر قالي لا علاش المحاضر قتلو يرحم والديك قالي أي هذي دعوة باهية أما ما تخلصليش الكراء فهمت لي هو يحب على الفلوس بما أني في موضع مخالفة مديتلو لي كتب . قالي ما تلومنيش رانا والله لتوا لا خلصنا دورناها نساسيو في الطريق قتلو الله يعينكم وبقيت طول الطريق نسأل شكون الغالط أنا ولا هو ولا دار الفزيتة الي تخدملك بالرشوة ولا تعيفك في روحك وتكرهك في كرهبتك ...ولا الدولة الي تمص في دم الشعب وعاملة مولا الدار مش هوني ولا الشعب الي الي ضايع في الطريق ...

Posté par Sami_50686 le 2022-02-23