Firas_12819 sur Sekritoo — Thé ☕

Thé ☕

بنية سرقد مودپاس متاع فيسبوك صاحبتها وحلت كونت هوني وبدأت ترندف وتتاجر التصويرة بتيكي والفيديو بكارطة والكام ب5كواط ...ركحت طفل وعطاها الامان وهبطتلو ماسك بالطبع خاطر مش فيسبوكها ...البنية الاخرى حلت فيسبوكها عادي ما في بالها بشي دخل عليها سي وخينا ديراكت على أساس حكى معاها وشاف بدنها وعمل معاها كذا وكذا ...البنية تصدمت خافت سكرت تليفونها وفيسبوكها ...وبعد مدة رجعت وقررت تسجل ميساجات الطفل وتعمللهم معاينة بعدل منفذ وتقدم قضية ..كيف جاو قدام الحاكم للمكافحة عطاهم الطفل الفيسبوك الي حل معاه كام وخرجلهم الكوارط الي بعثهم والي مازال مستحفظ بيهم وقام الحاكم بدورو وطلع البنية الي من أول صيحة قالت على كل شي وقالت أنها مش عاملة بشماتة في صاحبتها لكن ظروفها هي كانت السبب ورغم أن المتضررة الأصلية في الحكاية ودارهم تنازلوا على حق التتبع ألا ان البنية ضربت جمعة في الايقاف والوليد تحكم يشهر سرسي بعد ما عدى جمعتين موقوف ...الحكاية هذي درس لبرشا بنات وبارشا أولاد هوني لعل بش يردو بالهم ...وفيها درس كبير وعبرة لكل عائلة ما تابعش مصاريف صغارها خصوصاً اذا كانوا طلبة

Posté par Firas_12819 le 2022-02-27