Khalil_64842 sur Sekritoo — Confessions 🤫

Confessions 🤫

عسلامة انا طفل عمري 29 سنة نخدم بناي وندخل في فلوس يعني والحمد لله ونضيف ولاهي بروحي وصدقوني كي نخرج لعشية مالخدمة حد ما يصدق الي انا نخدم بناي ونخرج انضف وأحلى من الي يخدمو في الإدارات ومخالط فالدنيا وماشي وجاي فالدنيا بالباهي وخدمت برشا حاجات حلتلي عيني على الدنيا اما لقيت الدومان هذا فيه فلوس خير وقداش من مرة ديما نتعرف على بنات تي ديما محسوب ويعرفوني شنخدم و فما الي حبت تاخذني و فما الي حبت تكمل معايا اما انا انا منحبش خاطر نقول بيني بين روحي بش يجي نهار وتلقى ما خير مني في الحياة الاجتماعية بش تبدلني عربي ولا سوري ههه وكيما تعرفو الطفلة تحب تتباهى قدام صاحبتها وعايلتها. و مستحيل لقيت روحي نجم نكمل مع حتى وحدة حاط مبدأ في حياتي انو نوصل لدرجة مادية واجتماعية مرموقة خاطر مستحيل نتخيل مرأة تتعالى عليا بربع كلمة ولا ربع نضرة سؤاليي ليكم هل قراري صحيح

Posté par Khalil_64842 le 2024-10-12