Maher_8267 sur Sekritoo — Questions ❓

Questions ❓

الحب قصة يكتبوها زوز قلوب ...ولا غناية يكتبها قلب ويلحنها ويعزفها قلب آخر ...الحب حكاية يحكيها قلب لقلب ...الحب قد ما تحكي عليه تظلمو ...الحب حلمة تحلمها القلوب ...وتترجمها الأجساد بش تعطي ثمرة هي أروع واجمل ثمرة ....لكن ياخي الي نعيشوه اليوم يمكن يتسمى حب ؟ طبيعي بش نسألو رواحنا ياخي نعرفو قيمة الحب الي نحكيو عليه كل يوم و عاملين رواحنا نعيشو قصة حب كل واحد منا بطريقتو ...الحب تضحية ...الحب ذوبان لجسمين في جسم واحد ...الحب ما فيهش سؤالات متاع قداش عندك فلوس وشنوا تخدم ومزيانة ولا مزيان ولا لا وشنوا نوع كرهبتك وتليفونك ....الحب عمرو ما يستعرف بالسؤالات هذي ...لكن واقعنا تحكمو قوانين ما تستعرفش بالحب ويمكن برشا ناس يسخايلو الحب حرام ولا جريمة ...وتوا ولاو يعتبروه خدعة وكذبة .... وهو حتى الدين شجع على الحب وحتى في القرآن تذكر الحب ....زعمة بالمفهوم الي قلتلكم عليه تنجمو تصنفو حبكم الي تعيشو فيه حب ؟ أنا على روحي نعيش في برشا قصص كلها مزيفة كيف النقود المزيفة يعجبك منظرها وهي ما تسواش فرنك منقوب ....

Posté par Maher_8267 le 2022-03-07