Wafa_47790 sur Sekritoo — Confessions 🤫

Confessions 🤫

مستحقة motivation ❤️
كنت في رولاسيون دامت 4 سنين تعدات بالباهي و بالخايب
حبيت انسان بكل ما فية بفعايلوا الأكثر رغم الخايب الكل و ما سلمتش فيه كنت نحبوا كيف ما هو ..
صارو برشا حاجات و عديت مثلا كيف الخيانة ولا تطييح قدر و برشا حاجات خايبة كيما فما برشا حاجات باهية عملهم معايا يعاملني كايني بنتو المهم يحب يراني فرحانة ديما حاصيلوا كانت حكاية محلاها ❤️
طوالت ولات ديما مشاكل و عرك و نكد ولا حد معاد يحمل حد و هذا الكل من برشا تراكمات و طلع فيا العيوب الكل خاترو حاسبني على غلطة ما قصدتهاش لين لاحظت ولا يحكي مع طفلة أخرى.. من وقتها قصيتها
انا المشكل من وقتها ما حسبتهاش و عشت ايامات نرمال لين نهار ريتو مهبط تصويرة هو و الطفلة هاذيكة تصدمت من نهارها و تعداو 4 شهور و انا على نفس الحالة لتوا حياتي نحسها تقلبت من نهارها و انا نبكي معاد فاهمة شيء فقت بيه الي هو بعد نهارين ملي قصيناها صوحب و عايش حياتوا و انا لتوا واقفة في نفس البلاصة الكلام الي قالهولي خلاني بلحق نرجع على روحي انسان وليت نقول انا الغالطة نعيش في ايامات خايبة ما نعرش كيفاه نتجاوز 😔

Posté par Wafa_47790 le 2022-03-08