Maher_8267 sur Sekritoo — Confessions 🤫

Confessions 🤫

المشاكل في العائلة حاجة عادية ومهما بلغت درجتها تبقى قابلة للتصليح شوية حكمة وشوية صابر وتنازل طرف يخلي المشكل ما يكبرش ...إلي مش عادي هو خروج المشاكل متاع العائلة لبرا ودخول أطراف أخرى تعطي لروحها الحق بش تدخل في شؤون ما تخصهاش بالطبع هي ماشي في بالها جايبة الحل معاها في وقت هي أساس تعقيد المشكل وتحويلو من مشكل عائلي بسيط إلى مشكل علني وقضية يمكن بسهولة تخلط للمركز وللمحكمة ..نصيحتي لكل زوج رد بالك تخرج مشاكل دارك لبرا خاطر كيف عرست وليت أنت المسؤول على عايلنك مش أمك ولا بوك ولا أختك ولا خوك نفس الشيء للزوجة رد بالك تظن الي أمك بش نعاونك في حلان مشاكل دارك راهي مهما كانت تحبك بش تدخل في مشاكلك بالعاطفة والعاطفة تعقد المشكل وما تحلوش زيد على ذلك بش تحكي سرك لاختك ويمكن لأختها وتولي الناس الكل تعطي لروحها الحق بش تدخل في أمورك إلي لو صبرت شوية وتنازلت شوية راك ما احتجتش بش تحكيها ...خاطر راجلك الي متقلقة منو هو نفس الشخص الي رقدت في حضنو ليالي وليالي ...

Posté par Maher_8267 le 2022-03-09