Maher_8267 sur Sekritoo — Questions ❓

Questions ❓

ترددت برشا قبل ما نحكي حكايتي أنا راجل قربت من 40 عام كنت نخدم لبرا عملت برشا فلوس والحمد لله بطريقة حلال ما فيهاش حرام ما نحبش نحكي كيفاش عشت لبرا خاطر مش موضوعي لكن برشا مش بش يصدقوا اني عمري وانا في الخارج لا عملت علاقة حرام مش ضعف مني لكن خاطر كنت في وضعية متاع انسان يمثل المسلمين وكانت كل خطوة محسوبة عليا .. المهم روحت لتونس عندي 5 سنين لقيت بنية كنت نعرفها بالصدفة تلاقينا في مغازة في المرسى لقيتها عرست وعندها زوز صغار وراجلها معاها الحق فرحو بيا وراجلها كان اسبري علخر قالي لازم نضيفوك في دارنا وهاك الحكايات بالطبع وليت استدعيتهم على قهوة وحبيت نسمع منهم شنوا تغير في البلاد ونحكيو على الماضي والحاضر في القعدة عطاني رقمو وعطيتو رقمي وقبل ما نقومو استدعاوني بش نزورهم وحددولي موعد المهم كلموني في النهار لي تفاهمنا عليه وقالولي رانا حضرنا رواحنا ومش لازم تجبد بينا وليت مشيت وما كنتش نتخيل الزيارة هذيكا بش تكون سبب في اكبر عملية تحيل تعرضتلها في حياتي خاطر كيف مشيت نلقاه مستدعي أختو طفلة الحقيقة مزيانة برشا وصغيرة عليا عمرها 22 وتكمل في قرايتها وكانت هي الطهم الي رماه خوها في طريقي المهم كل حاجة يقلها هي تقدمهالي السهرة الكل وهوما يحاولو يخليونا الماكس مع بعضنا وحدنا وهي كانت ممثلة بارعة المهم ولينا نخرجو مع بعضنا ولات تقترح عليا نشارك خوها في مشاريع وتتصل في أي وقت تطلب مني سلف وما كنتش نقول لا وصلت المعاملات بيناتنا عشرات الملاين وما كنتش نظن اني بش تصيرلي مشاكل وانا نطلب في فلوسي لكن وقت حبيت نحل مشروعي الخاص تغششو كيفاش ناكل وحدي وما نشارك حد بدات تتكهرب العلاقة وليت نطلب في فلوسي الراجل عطاني موعد في دارو وقت مشيت ما لقيت حد كان أختو دخلت وتعمل صفة مسرحية وقطعت حوايجها وخبشت روحها ولقيت روحي متهم باقتحام محل الغير والاعتداء بالاغتصاب على عزباء وأقسم بالله العظيم لا صار منها شي الحكاية وهي مسرحية عملتها بالاتفاق مع خوها ومرت خوها الي هي سبب معرفتنا هي الي نقذتني في الدقيقة 90 بعد ما انازلت على ديوني وسجلت اختو شريكة معاي في المشروع وزيد نكمل نكتب عليها وهم بش يتصرفو بش نروح من الايقاف لي تعرضتلو لاول مرة في حياتي بالطبع بش تقولو بهيم ودغفة لكن والله حسيت كل شي مخطط وثمة اطراف اخرى معاهم خاطر ما لقيت حتى حل كان بش نقبل لكن ما كنتش بش نسلم في حقي المهم خرجت وشرطت

Posté par Maher_8267 le 2022-03-11