Takwa_21562 sur Sekritoo — Questions ❓

Questions ❓

عامتها دوزيام وكان اول عام نصوحب حبيت عبد ونتعلق بيه كان نهار 04/05/2019 اسموا عثمان قداه كان محلاه
وعلى قد مكانش مزيان حبيتوا نحكي معاه بالتلفون
عديت معاه ايامات محلاه وكان اول عبد يتلهى بيا ومكنتش الي كل حاجة مزيانة
مش تجي وراها حاجة خايبة كل ميغلط نسامحوا ..
حتى كي خاني مع طفلة اخرى وكي شلقت طلب سماح سمحتوا اما بعد شهريين تبدلت تصارفاتوا
بديت نشك لين نهار قلي بش يخطب طفلة خاتر حاشتوا بفلوس ولازمني نخوها باش يسلفوني عايلتها
فبالي يفدلك اما قال هكاك باش انا نبعد لين نهار نحل فيس نقاه مهبط خطبتوا ههه
اش تصدمت وليت نبكي وكل دقيقة تتعدى نحسها عام قلت مننساه كان كي ندخل عبد في حياتي
لين تعرفت على عبد بعدوا وقعدت نحكي معاه لين صوحبتوا طفل قاري وكبير وبنيت برشا احلام ههه
قعدت معاه عه لين نهار هو زادة قلي راي امي قتلي متخوا كان بنت خالي
وقتها حاسيت روحي نعاود في نفس سيناريوا وعاودت نحكي مع برشا
لين تعرفت على ههه عبد اخر نهار 13/05/2021 اما هذا غيرهم هذا قعدت معاه شهر نحكوا عادي
وبعد صحبتوا قعدنا خمسة شهور نحكيوا حتى هو عديتلوا وسمحتوا كي خاني وقلت خلي نكبش
نهار قررنا باش نتقابلوا ملول خفت وقلت سيب عليا منيش مزيانة وبعد لميت شجاعة ومشيت
كان هو اول عبد نقابلوا في حياتي لخريين كانوا كا مساجات ههه
اول نهار نتذكروا كيني ليوم هو هابط من لواج وانا ريتوا وقعدت نقدم ونوخر وبعد قدمت ومشيتلوا سلمت عليه
قعدنا نحكيوا وبعد عنقني منعرش حشمت وقتها ومعرفتش كيفاه نعمل
كان اول تجربة عملتها بعد قعدنا وصورنا وروحت وقعدت ثنية كاملة نقز وفرحانة كي طفلة الي عمرها خمسة سنين ومنيش شايفة لعباد قدامي وقلت سيا هذا هو لعبد
وبعدها بنهار مشينا نتقابلوا ونفطروا وامي كانت فبالها وحكيتلها عليه وهو حكى معاها نهارتها 12/09/2021 لبست لبسة مزلت كي خيطتها وسباط جديد وقديت روحي
نغزر للمرايا وانا نضحك وقلبي في تسععين وقتها فرحتي متتصفش والله خذيت تكسي ونلقاه يستنى فيا
ضحكت مشيت سلمت عليه وبدينا نمشوا باش نمشوا نفطروا احنا نمشوا وهو شدلي يدي
كانتلي اول شدة في حياتي وانا عمري 20 سنة عينيا لمعت وقلبي ولى في تسععين والله
قعدت نمشي ونقول كان هذي حلمة نشالله متوفاش لين وصلنا للبقعة ههه
وانا عمري لدخلة لقهوى قبل دخلت حليت فمي وقعدت نغزر للعباد وللبقعة قعدت على طاولة انا نغزر ومنيش مصدقت
حكينا فطرنا قعدت حاشمة وبعدها خرج

Posté par Takwa_21562 le 2022-03-28