Yassine_91097 sur Sekritoo — Questions ❓

Questions ❓

برشا ناس عندها مرض اي مرض اسمو (الخوف) بش تقلي ياخي الخوف رجع مرض زادة!! نقلك اي مرض وممكن كان بش تقعد تبع فيه بش يهزك للاكتأب وكلنا نعرفو شنوة المرض النفسي هذا)( قاتل) في بعض الحالات
فمة ناس تخلقت من صغرتها تربات في عايلة كل ماتجي بش تعمل اي حاجة يخوفوها لا رد بالك بالك متنجمش روحك بالك متنجحش بالك متوصلش توخر وتقعد تخمم في كلامهم ولهنا بداية المرض تبدأ
فمة ناس تعيش مع عباد كل ما تراها نافحة على خدمة على سفر على قراية في دومان معين تحطلها بلوغتنا احنا العصئ في عجلة وتخوفها لين تدمر كليا وترجع كل حاجة تحب عليها تخمم وتخاف وتقول بالك بلحق منوصلش سيب عليا الطريق مزال طويل ممكن مننجحش ترجع منزوية عناس ترجع تخاف حتى من روحها تخاف حتى لوكان تحكي وناس متعجبهمش لو كان تقرأ وناس متسمعهاش تخاف حتى من ضلها
بنسبة ليا الفشل أفضل من الخوف علاه يقول القايل
خاطر مش عيب انو تفشل مش عيب انو متنجحش ومتتقبلش في خدمة على الأقل انتي هوني حاولت 💪
الخوف هوا انو تخبي قوتك لممكن توصلك و تكتمها داخلك الخوف من انو تفشل لهنا فرق واضح لذا خلي أحلامك قدامك عبر، احكي، وخرج الطاقة لي فيك كان باهي ولا خايب مارس حياتك كيف متحب اغلط، وارسب، عادي على الأقل انت حاولت وقدمت أفضل من انو تحرم روحك وتخاف وتخمم في فشل وانت اصل معملتش شي هاكة 💪
الخوف يقتل الأحلام 💖
أكثر بكثير من الفشل

Posté par Yassine_91097 le 2022-04-13