Takwa_21562 sur Sekritoo — Questions ❓

Questions ❓

عالسلامة الناس الكل..بربي نحب نسال على حاجة.. نحب نعرف حالتي تطلب اني نشوف طبيب و الا اخصائي نفسي او لا..
باهي انا عمري 22 سنة مشكلتي اني نتوتر اكثر مالازم مانيش نحكي على التوتر و الخوف الي يجي من examen والا entretien والا presentation التوتر هذاكة نجم نتحكم فيه و منحسوش مشكل بالعكس ديما يعملولي des remarques باهين كيف نحكي قدام برشا عباد والا قدام les jurys في les soutenances.. المشكل هو بيني و بين روحي كيف تصيرلي حاجة خايبة حتى صغيرة والا مشكل صغير والا حد يقلي كلام يوجعني والا حتى من غير سبب وقتها اما نتيجة ضغط و تراكمات نتوتر و نبقى نخمم في الحكاية هاكي اكثر مالازم و التوتر يمشي و يزيد بالتخمام نوصل ساعات نبدى خايفة من حاجة منعرفهاش شنوة و منجمش نفسرها نولي منجمش نتنفس تشدني غصة في حلقى و منجمش نبكي نحس الي عندي حاجة رزيينة فوق مني و نبدى نحس في بدني كل يوجع و ساقي تبدى ترعش منجمش نتحكم فيها و ساعات عيني تضبب و راسي يبدى يوجع ..بعد منخرج مالحالة هاكي نبدى نلوم في روحي نقول à ce pt انا شخصيتي ضعيفة باش نخلي حاجة تافهة تاثر فيا و نزيد وقتها ندخل في boucle infinie مالكلام الخايب على روحي..والله مرات نبدى نحكي مع مخي بصوت عالي باش يحبس على التخمام..نحاول نعبي نهاري و نخلي روحي ديما لاهية باش منخممش و باقي شي

Posté par Takwa_21562 le 2022-04-26