Takwa_21562 sur Sekritoo — Questions ❓

Questions ❓

السلام عليكم. انا في حيرة كبيرة بالله عاونوني شنعمل. انا طالبة و نقرا في ولاية اخرى، عندي دار اقاربي ديما نمشي بحذاهم. نحبهم برشا و يحبوني. عندهم بنتهم عمرها 13 سنة، ياسر صغيرة في مخها و دارهم صعاب معاها و لاهين برشا. اليوم شديت تاليفونها نلقا راجل عمرو 30 يحكي معاها بكلام خايب برشا و يقلها في حاجات فاسدة حاشاكم. و هي ماشية معاه في الخط، مراهقة و صغيرة ما نجمتش نقلها حتى شي اما ما نجمش زادا نسكت على الشي الي ريتو. كان نقول لأمها صدقوني تقتلها و كان نسكت حرام قدام ربي نخلي واحد مريض كيفو يعديها على طفلة صغيرة. خاصة انو عبد يعرفوه والديها و تحديدا يخدم entraîneur في salle de sport لي هي تترانا فيها و امها تعرفو. المشكل يقلها ايجاني للدار و يقلها نتقابلو في salle بعد entraînement. و زادا يراني في بنات في عمرها يعني اكيد راهو عامل هكا مع برشا بنات اخرين. بربي انصحوني شنعمل. انا تو عاملا capture video على ال messages متاعو الكل بما فيهم messages vocals بصوتو.
بربي ما تقولوش وصلت روحها تستاهل، خاطر الطفلة صغيرة و مخها على قدو يعني ساهل يعديها عليها

Posté par Takwa_21562 le 2022-04-26