Wafa_34076 sur Sekritoo — Questions ❓

Questions ❓

سلام، بربي شكون ينجم يعاوني والا تعدى بنفس المرحلة متاعي
انا متخرجة مهندسة في اختصاص كنت نتصورو حاجة كبيرة والي نعرفهم الكل يشكرو فيه من اساتذة وطلبة و....
وكي تخرجت تصدمت بالواقع المرير متاعو من عدم احترام لاستغلال واحتقار وبالطبيعة الشهرية شي يحشم
هذا كان لقيت خدمة اصلا، عكس الفكرة الي كانت عندي

لقيت روحي في عالم غريب كلو خبث واستغلال وبرشا قهر وستراس خدمت عام ونص مرضت ودبرمت وتعديت بصدمة نفسية كبيرة خلتني نزور طبيب نفساني لمدة عام وطبيب اعصاب (اضطرابات في الجهاز العصبي ) والحمد لله على كل حال بديت نتحسن
لكن ماعادش نحب نرجع نخدم في الدومان اذاكا
قريت بجهد وبقلب ورب وحاولت نتحصل على ارقى الشهادات باش نضمن مستقبلي وخاصة دخل شهري محترم نعاون بيه العايلة
ماراعني الا اني وليت عبئ عليهم وزدت ثقلت عليهم بالطبة والدوايات والحالة النفسية الهشة
بربي شكون تعدى بحاجة كي هكا ؟ والا كان انا ؟
الحل ؟؟ اقترحو عليا شنو نعمل ؟

Posté par Wafa_34076 le 2022-04-28