Dorra_44985 sur Sekritoo — Questions ❓

Questions ❓

عالسلامة الناس الكل
عندي مشكلة و ممكن مش مشكلة حسب البعض
عمري 29 سنة نخدم مسؤولة تجارية في شركة خاصة و بحكم خدمتي يلزمني ديما مفلفلة و نحكي و نعمل برشا علاقات عملية و هذه طبيعة خدمة كومرسيال
باهي ، المشكلة وين ؟ اىمشكلة انو بعد الخدمة معادش نحب نخرج من بيتي اصلا ، يعني لا نجاوب فايسبوك ، لا نقبل دعوات للخروج لقهوة لعشاء لا لحتى شيء
حتى كيف نتلز نهز عالتلفون نحطوا haut parleur و ماذبيا كلمة و قص
الشيء الي خلاني نقعد في دائرة صغيرة و ماشية و تصغر اكثر
العلاقات الشخصية قطعتهم و معاد عيني نتعرف على حتى انسان لين يقولوا عليا متكبرة و معقدة ، حتى اصحابي الي قعدوا يتفكروني ساعة ساعة نحسهم جوست خاطر العشرة و برى
و على فكرة راني نصلي ، نقرى القران و نعمل في عباداتي الكل و الحمد لله
Salle de sport دخلت و فيسع قلقت و بطلت
الفواياج و عملت و صدقوني قلقت و تخنقت و اني غادي
يعني كل شيء جربته بش نخرج ملي اني فيه و شيء
طبيب نفسي مشيت و بعد عدة حصص حسيتوا ما فادني في شيء
بالحق حاسة بروحي نعيش بزوز شخصيات متوازية واحدة مالثمنية للخمسة متاع لعشية و لخرى باقي وقتي الكل 😭😭😭😭

Posté par Dorra_44985 le 2022-04-29