Tarek_23469 sur Sekritoo — Confessions 🤫

Confessions 🤫

عندي صديقة تعز عليا برشا ديجا صديقتي الانتيم كي الخوات و الا اكثر انسانة من احسن ما عرفت اخلاق و مستوى تعليمي ( مهندسة) و طيبة قلب لكن رغم هذا عكستها الدنيا برشا و ما مشاتش معاها كيف ما تحب كنت ديما نطمن فيها الي ربي شيحلها في وجهها من اوسع ابوابه و الي شيجي نهار و تاقف على كلامي و تعرف الي تشاؤم ماهو الا ضعف نفس و قلة ثقة في الله اليوم الحمد لله بعثتلي فوكال تقلي الي صححت الصباح كونترا مع شركة فرنسية و شتطلع في سبتمبر ان شاء الله فرحتلها كأن الفرصة جات ليا انا خاطر بالحق معزتها كبيرة عندي و ديما ندعيلها بالخير و نتمناهولها خاطر بالحق تستاهل و تعبت في حياتها اصلا انا تو نكتب من فرحتي ليها اولا و ثانيا شنقول للي موجودين هنا خلو ثقتكم في ربي كبيرة ينجم يبتليكم برشا و يضيق عليهم اما وقت يعطي شيبهركم عطاؤه ربي يسهل للناس الكل و يعطيكم ما تتمنو ردو بالكم تأيسو خاطر بالحق لا يأس مع الحياة ❤️ 😘 ❤️ ❤️

Posté par Tarek_23469 le 2022-05-16