Karim_19272 sur Sekritoo — Questions ❓

Questions ❓

تعرف ؟
مخي معاتش مطاوعني
نهار و طولو يخمم كان فيك
تسمعني نشكيلك منوو و لا ماكش باش تقراا كيف العادة.
باهي مثال نومي معاتش نووم
ندور عالليسار منجمش نرقد ندور عالليمن يدي توجعني.. كيف نتكى على ظهري نهز راسي لسقف نراك..
نغمض عينيا.. مالمفروض ظلام نشووف شيء.. اما اني نراك.
نرااك واضحة او ضاوية..
نقرا شوية قرآن او نحاول نرقد....
شيء نمد نتفرج في تصاور لقليلة الي عندي. او نقرا شوية ميسجاتنا.
ساعات نشك او نقول اني قلقتك بكلمة و لا كثرت عليك. و لا خانقك.
نشوفك برشا في أحلامي.
على ذكر الحلمة ياسر نشوفك في منامي.. مرة ماشية او اني نتفرج فيك او نعس على خطواتك تبعدش عليا. مرة انتي تجري او اني لاحق عليك او ما تحبش تتلفت او تغزرلي.
او مرات نحلم بروحي محملك او ملفووفة بيدياا او مخطيك بقلبي او راقدة على كتفي او متكية على صدري.
او انتي تتنفس او اني نتفرج فيك.
كيف نفيق نلقى روحي مكزز على سنياا او نازل على روحي بالقوي او يدياا مكمضة..
راسي دايخ او عينيا تحرق..
ليل الكل نحلم بيك او نهاري الكل نخمم فيك و لا نحاول نتفكر الحلمة.
نتكرز كيف ننسى شنو حلمة بيك
توحشتك و ستاحشتك حتى كان نشوفك كل يووم. نحس بالوحش الي ماكلني في غيابك
بخلاف قلبي الي احبك مخي افكرني فيك.
نحبك برشا ❤️🌹

Posté par Karim_19272 le 2022-05-22