Slim_47429 sur Sekritoo — Questions ❓

Questions ❓

تقريبا في ديسمبر الي فات بنية هبطت ستاتي هوني تتشكى من ظروفها النفسية الي خلاتها تجيب 8 في البرسيال في الفاك وكانت تلوج على فكرة تقولها لدارهم وخايفة يسمعو لي هي جابت 8 برشا ناس تفاعلوا معاها وشجعوها تخبي على دارهم بالاخص وان الجامعة ما تبعثش لاولياء الامور نتايج صغارهم ..دخلت معاها على الخاص وحكيت معاها ببرشا عنف وكان كلامي مركز على انها لازم تقرا وتصلح روحها مش تحاول تخبي على دارهم ...اليوم بشرتني انها جابت 12 ونجحت قداش فرحني الخبر هذا والله عبارة أنا نجحت فرحت لانها خذات النصيحة الصحيحة من السيت هذا وعملت عزيمة وربي وفقها مزيد من النجاح ليك وحظ سعيد في بقية مشوارك الدراسي والحياتي

Posté par Slim_47429 le 2022-05-27