Slim_47429 sur Sekritoo — Questions ❓

Questions ❓

انا انسان تاجر يجيوني ناس الكل ونحاول نكون باهي مع الناس الكل ومعروف اني نجامل كليوناتي مهما كانو رجال ولا نساء صغار ولا كبار لاحظت انو جارة جديدة ولات مواضبة على القضية من عندي وتتعمد تبقى اطول فترة بحذاي حتى كليونات يجيو بعدها تقلي سبقهم ميسالش انا قريبة وحتى حاجات ما نبيعهمش انا توصيني عليهم تخليلي فلوس تقلي جيبلي ولا شوف مع شكون توصيلي حتى كيف يبدى راجلها في الدار هي تهبط
لاحظت انا ولاحظو ناس الكل لي هي تقريبا تجيني في النهار اكثر من 10 مرات المرة الآخرة قلتلها هاهو رقمي كيف تحب حاجة كلمني نبعثلك مع الصانع تغششت مني قاتلي ما تحبش تشوفني قلتلها والله لا اما حبيت نرتحك البارح في ليل كلمتني بالتليفون وحكاتلي الي هي ترتاح برشا معاي والي الكلام الي تحب تسمعو ما نقولو كان انا والي هي من الاول كانت معجبة بيا وتوا ولات تحبني انا تصدمت من كلامها خاطر راجلها صاحبي وهو راجل محترم وخدمتو محترمة علخر وهو اصغر مني وأشب مني والله كيفاش نجم ما نخسرهاش وما نتورطش معاها راني حرت اليوم جاتني خلاتلي ورقة فيها ليست قضية وقاتلي كان تعمل مزية طلعهملي وجيبلي الباقي انا طلعتهم ونوقزت وخليت القضية وفصعت ....

Posté par Slim_47429 le 2022-07-01