Manel_93931 sur Sekritoo — Questions ❓

Questions ❓

أنا في الثلاثينات من عمري وصلت لوضع غريب في حياتي و ماعش منجمة نتجاوز و نتبدل بلي حاولت
أنا وصلت لمرحلة في حياتي الي عايشة الحياة من غير طعم واحد عايش يستنى في العمر يوفا اكهو، ما عندي حتى أمل و لا هدف في الحياة؛ ماعاد يفرحني شي و نتمنى في الموت ليل و نهار، كي نشوف واحد توفى نقول علاه موش انا
أنا فشلت في اختياراتي في قرايتي في خدمتي في علاقاتي و حسيت سايي الوقت فات و ما عادش نجم نصلح خاتر العمر عندو دور
ديما خايفة من المستقبل لدرجة نولي ما عادش نحاول نخاف مالفشل مرة أخرى
ديما وحدي و نخاف مالعباد
عمرو ما حبني حد في الدنيا هاذي حتى عائلتي الي حرموني من رياضة نحبها و انا صغيرة؛ امي تهز فيا شهر و بعد بطلتني قتلي موش باش نبقى نهز فيك و نجيب و انا صغيرة نقرى مكتب كان زادت معايا شوي للي نكبر نولي نمشي و نجي وحدي / حرموني حتى من قراية حبيت نقراها خاتر بعيدة على الدار
مانيش اجتماعية و ما نعرش نحكي
حتى شكلي موش عاجبني ما نحسش روحي مزيانة و ما عنديش ثيقة في روحي جملا كي نشوف روحي في المراية نقوم نبكي نقول علاش ما جيتش هكا و نبدى نتخيل لو كان الحاجات الي موش عاجبيني فيا جاو كيما نحب
الحاصيلو نحس الي العباد متوازنة عندها حاجات و حاجات لا أما أنا ما عندي حتى اكتفاء من حتى جانب من حياتي
موش عارفة العقد هاذي الكل كيفاه باش نبدى نحلها

Posté par Manel_93931 le 2022-07-13