Emna_80580 sur Sekritoo — Questions ❓

Questions ❓

السلام ..انا مخطوبة وعندي مع خطيبي 7 سنين بناتنا حب كبير انا في حياتي مشكلتي الغيرة انا نغير عليه برشا و ساعات نحسها بدأت مضرة ليا ولصحتي وراجعة عليا بلخايب نحب ديما نعرف وين ومع شكون وفاش يعمل و وقتاش دخل لدار و وقتاش روح بحكم احنا بعاد على بعضنا فسكنة ابرشا كل واحد و ولاية اما لغيرة هذي موش من فراغ انا قبل شديتو برشا مرات بخاينة وصلو جتني طفلة عطتني كابتيرات الي هيا تحكي معه و تغششت وكبر الموضوع ويجري في جرتي باش نسماحو والخ لحصيلو سامحتو وبقينا هكك وانا لحق ديما نحول منخليلوش النفس جملة و واخذة منو المودباس متاع لفايسبوك وتيك توك وانستڨرام ونحاول نتبع اما لفترة لخرة معدش مرتاحة نحس ثيقة نعدمت أصل وانا معدش نحبها لعيشة هذي هو ياثق فيا ويعرفني مستحيل نغدرو والله ...فما موضوع نحب تنصوحني فيه انا من الجنوب و من عائلة محافظة علخر علخر ومعندناش الزايد وكل مرة نجي ناخذ قرار في علاقتنا منجمش خاطر لحكاية مربوطة باهلي زاده ع كل هو عطيني فايسبوكو ويقولي متحليش مساجات لولاد أصل لحق قبل والله لا كنت نحلهم فما مرة مشا يسهر في سوسة بحث صحابو ومع ولد خالو و قالي صورلي وين قاعدين ولكل مفما شي يعني خايب فلول مشيت رقدت على روحي ولقايلة قمت لقيتو يحكي مع ولد خالو الي سهر معه و يقولو لحرابش موش عادية وهذيكا هيا الدنيا الحقيقة وهذيكا هيا الحياة ومالا ليلة عدينها عالمية ويحكو عسهرية الي عدوه انا ليومنا هذا منجمتش نجبدلو لموضوع ومنجمتش ننساه لموضوع من قبل رمضان وانا نبلع ونغص ونحس في حياتي جحيم نخاف شنوا باش نقول كيفاش باش نوجه شنوا باش نعمل وهو من اهل امي بناتنا قرابة شنوا انجم نعمل أطفل وصل حربش انا منكذبش على روحي نحبو ومتعلقة بيه اما الحب واحدو. ميكفيش نحس في خنقة منيش منجمة نرتاح في حياتي لا نعرف تقدم لا نوخر لا نحكي لا نسكت والله عايشة في عذاب والله انصحوني عاونوني بحاجة اعطوني حل وسامحوني طولت عليكم اما معنديش لشكون نفرغ قلبي

Posté par Emna_80580 le 2025-03-14