Anis_59568 sur Sekritoo — Questions ❓

Questions ❓

بش نحكيلكم على صاحبي الي روح بعد 28 عام غربة روح يتسلف في حق باكو دخان ومشى في بالو كيف روح بش يلقى حتى ورثو من أمو وبوه الي ما حضرش على موتهم ياخي لقى العايلة باعت كل شي وتشتت كل واحد في بلاصة عايش حياتو ...صاحبي هذا سافر لطاليا في الزلاقة الي كانت بين قليبية وطاليا خدم في كل شي وعمل برشا فلوس تبع سكة الممنوعات الي خلاتو كل مرة يعدي ربطية باهية يخرج بعدها يلقى فلوسو وجماعتو يستناو فيه كيف توفى بوه هو في الحبس وأمو ما زادتش برشا وتوفاات وهو مازال في الحبس كيف خرج حس الي هو قصر مع بوه وامو وقرر معاش يرجع لتونس ويكمل حياتو في طاليا لين حلم بأمو تعاهد فيه بش ينظف حياتو ويبعد على الممنوع هذاكا علاش لم فلوسو وأمورو لكل وفصع من طاليا مشى لزوريخ في سويسرا شاف منطقة فيها الفلاحة وركش غادي يخدم لين تعرف على المنطقة وعمل فيها مشروع صغير لكن عصري يربي فيه الدجاج والعلالش ويذبحهم على الطريقة الاسلامية ويبيع للجالية المسلمة هكا حياتو بدأت تتصلح من مجرد حلمة شافها وقتها تعرف على برشا توانسة ومغاربة ودزيرية وليبيين واتراك وأفارقة مسلمين لين عرف طفلة بوها تونسي وامها مغربية ..حبو بعضهم لين عرسو في الوقت هذاكا هو كان عندو مشاكل مع الأداءات ومع البلدية ومع برشا جهات حكومية كثروا عليه من الخطايا بالطبع حسب قانونهم لين ولاو يسالوه برشا فلوس مرتو قاتلو اكتبلي كل شي بيع وشراء وامشي للمحامي اعلن فلستك بش تنجم تمنع من الخطايا الي تولي حبس اذا فاتت آجال خلاصها المسكين كتبلها كل شي حتى الفلوس الي عندو يصب فيهم في كونت باسمها ما نطولش عليكم بعد ما ضمنت كل شي طيشاتو في الشارع واستفزاتو لين ضربها وكلمتلو الشرطة كيف ضربها جات هزاتو بالوقت خاطر قانونهم غادي ما يرحمش ورجع للحبس تحكم عليه بغرامة وبشهرين حبس خرج من بعدها زاد جمعة وفركس عليها قتلها وقدم روحو للحاكم الي حكم عليه ب7سنين كملهم في مارس 2022 ومن باب الحبس لقى فرقة معاها قرار ترحيلو...وهاهو في تونس هايم يلوج على خيط لورثة بوه وامو...

Posté par Anis_59568 le 2022-08-08