Sami_50686 sur Sekritoo — Thé ☕

Thé ☕

بش نحكيلكم حكاية صارت قدامي على الشط ..أنا بطبعي ما نحبش نمشي لشطوط زحمة وما نعومش في القايلة ديما يا صباح بكري يا عشية مخر المهم تلقى الشط وقتها فيه كعبات مش برشا جاو جنبي راجل ومرتو وعندو بنونتة صغيرونة غابة في خفة الدم والله خلات بوها وامها وجات قعدت معاي الراجل كيف لقى الدنيا متفاضية شد مرتو وأنا بعيد عليهم ميترو ولا اكثر شوية المرا بالطبع حشمت وباين انها رفضت الحكاية يقوم سي وخينا بش يضربها وبنتو ولات تبكي وتعيط ياخي قمت ما خليتوش يضربها..وكان زاد شوية كنت نشد نمرمدو ..يعمل هكا ويروح مكرز ويخلي مرتو وبنتو وقالها أقعد فيها أنت وصاحبك أنت جيت هوني متفاهمة معاه وحتى بنتك مشاتلو ديراكت يعني تعرفو...نولي نجري في جرتو نرجع فيه ونحلف الي عمري لا ريت مرتو ولا بنتو وقسما بالله لا نعرفهم ..ورغم كاكا روح وليت لميت دبشي وروحت والله اعلم شنوا صار بعدي

Posté par Sami_50686 le 2022-08-19