Ranim_66523 sur Sekritoo — Questions ❓

Questions ❓

جاتني حالة agitation مش نورمال و فقدت القدرة على النوم مدة 15 يوم كاملين ضعفت برشا في جمعتين و خطيبي موش فاهم شنيا صارلي بالظبط وليت معادش نجم نرقد و تقريبا بش نهبل دخلت في حالة الكلام المتكرر لي نحكيه نعاود نحكيه و ننسا و نقول في كلام مانفيقش بروحي كيفاه قلتوا و معادش نجم ناكل و نجي نعمل حاجة ننساها ونتشتت فيسع و نتغشش على اتفه سبب و نعيط برشا لين الأحبال الصوتية متاعي تعبت صوتي ولا بالسيف يتسمع زرقولي برشا زرارق متع نوم الإنسان العادي كي يزرقوهملوا يرقد انا وليت ننشط بيهم هرموناتي تفرعسوا ووليت معادش نجم نخمم وليت نرد الفعل ديراكت ووليت نرا في حجات مش موجودين دخلت للسبيطار رقدوني بالسيف زرقولي برشا جرعات رغم اذاكا باقي مازلت هايجة و نعيط و كي لقيت الاطباء يشدوا فيا بالقوي مش عارفة منين جاتني القوة و ضربتهم و انا بدني يرقد بالدوا اما مخي فايق مايرتاحش كتفوني بش معادش نتحرك وزادوني جرعات اخرين ياخي مافقت بشي و كي قمت نلقا روحي في السبيطار مش مكتفة اما في سبيطار المرضى بالأعصاب
هنا انا زدت دخلت في حيط يزرقولي في زرارق تردك نصف مشلول الحركة و تترخف وتردك تحكي بالسيف مع الحرابش اللي منهم ركزت فيها هي التيميستا (timesta) وزوز حرابش اخرين بيض الله اعلم عليهم شنوما .. الحالة هاذي دخلت فيها بعد استهلاك مواد مخدرة بنسبة كبيرة اما انا مستانسة نستهلك و حاجة هاذي عمرها ماصارتلي قبل اما هاذي كانت overdose
و خرجت مالسبيطار بعد 3 أيام اما نلقا روحي قاعدة ننفصل عن الواقع و السبب هو الزرارق و الحرابش متع السبيطار وليت حتى تلفون نحسوا يحكي معايا و نرا في حاجات ماينجم يراها حد غيري كيما انوا نعطي امر للتلفون يتنفذ رغم لي هو لا تنفذ لا شي و انا نراه صار
خطيبي هبل معايا بريود لي انا مريضة مانرقدش و مانخلي حد يرقد لا ماما لا هو ( هو بحذانا بحكم يسكن بعيد و أنا مريضة )
كي خرجت مالسبيطار نلقا خطيبي معايا لآخر لحظة
و تو انا سافرت و بعدت على اكا الحفرة القحبة و عرست بخطيبي و بعدت على المخدرات من وقتها ورجعت عادية تدريجيا .. سبحانك يارب انت مغير الأحوال
الحمدلله
نصيحة مني حتى كان جربت وعجبك رد بالك على صحتك
نهارت لي تصيرلك حاجة حتى تشخيص ماينجم يشخصلك حالتك حد و انا اذاكا لي صارلي

Posté par Ranim_66523 le 2022-08-23