Ines_50015 sur Sekritoo — Questions ❓

Questions ❓

عشت في عائلة فقيرة و فوق منه تعيسة حزينة ما فيهاش فرحة و حب الدنيا... بابا انسان ما عندو وين يدور الريح كاسح برشا و طبيعته صعيبة و تفكيره ياااسر تقليدي و مضيقهاالنا برشااا في الدار و امي مرا شخصيتها ضعيفة ما تتكلمش على حقها و قابلة منه الذل و الإهانة من النهار لول دخلت فيه لداره عبارة خديمة ليه... عمري ما لاحظت بيناتهم لا حب لا مودة لا عاطفة لا حتى شي كان العرك و الاهانات و التسلط من جهة بابا و الخضوع و الخنوع من جهة أمي.... عشت حياتي في دار باردة ماحسيتش فاها لا بحب لا بحنان... بابا من داخل ناقمة عليه و امي نسخف عليها برشا ما نجمتش نحترمها كيما يلزم... نجمت نسخف عليها اكثر ... يااااسر خاصة امي...... من سوء حظي عشت في عائلة كي هكا.... أثروا فيا سلبياا عل المستوى الاجتماعي و العاطفي و النفسي ... مانيش فرحانة لي اني بنتهم و تتمنى يرجع الزمان و نكون بنت عائلة تعرف تحب و تعرف تعيش من غير عقد و أمراض.. عائلة واعية تعرف شمعناها علاقة زوجية و شمعناها صغار و شمعناها حب و شمعناها فرحة .... صحيح كبرت و نجحت و وليت نخدم و بعدت ع الدار و وليت نسكن وحدي أما و الله من داخل مدمّرة طعم الفرحة ما نعرفوش و طعم الحب زادا.... نحب نبرا من وجيعتي نحب نبكي و نخرج الخمج الكل المعشش فيا.. أما وين و عند شكون نجم نحط راسي و نفضفض و نبكي و نتفرهد... جنس البشر كرهوني فيه حتى الصحاب بالسيف عندي...
هاذي حكايتي... من برا انسانة باردة جدية ماتضحكش ما تحكيش ما تفدلكش متكبرة (سمعتها من برشا في الخدمة و الا غيره كانطباع ياخذوه عليا) و من داخل انسانة حزينة مريضة هايمة تحب تلقى حل لحياتها....
هاذي حكايتي.

Posté par Ines_50015 le 2022-08-25