Aymen_75078 sur Sekritoo — Questions ❓
Questions ❓
في نظرية اسمها protein leverage hypothesis
نظرية مش حقيقية علمية، ولكن اتثبتت كتير.
النظرية دي بتقول ان دايما الجسم عايز بروتين، لان البروتين اساس للبناء لكل خلية في جسمنا، واحتياجنا ليه اكبر من احتياجنا لاي اكل تاني، فعشان جسمنا محتاج بروتين، لو احنا قررنا ناكل نشا ودهون بس (اللي هو اللي معظم الناس بتعمله)، ان اكلنا كله يبقي شيبسي وساندوتشات جبنة وشوكولاتات،
الاكل ده بالمناسبة فيه بروتين، تقريبا كل الاكل فيه بروتين، حتي الشيبسي، ولكن بكمية قليلة جدا.
حسب النظرية دي، من ضمن اسباب انك بتاكل كتير اوي من الاكل ده، هو ان جسمك بيحاول يوصل منه لكم البروتين اللي محتاجه، فممكن تاكلي كيسين شيبسي عائلي وبعدها تبتدي تحس ببدايات شبع، عشان بدأت توصل لجرامات بروتين كافية.
النظرية دي مهمة جدا وممكن نطبقها ونستفيد منها في كذا نقطة:
١- اننا المفروض نبدأ اكلنا بالبروتين، لان ده اكتر اكل الجسم محتاجه ولأن ده اكتر حاجة مسؤولة عن الشبع، بعد كده ناكل باقي الاكل سواء دهون او نشويات.
٢- اننا نعرف ان كل الاكل فيه بروتين، مش دي الفكرة، الفكرة الاكلة دي فيها بروتين بنسبة قد ايه للطاقة؟ يعني هاتديني كام جرام بروتين في مقابل كام جرام نشويات ودهون؟
ممكن تاخد بروتين من الفراخ ويكون البروتين فيها بنسبة طاقة قليلة جدا
وممكن تاخد بروتين من الكشري ويكون فيه بروتين كتير فبنسبة طاقة خزعبلية
Posté par Aymen_75078 le 2022-08-30