Aymen_75078 sur Sekritoo — Histoires drôles 😂

Histoires drôles 😂

اكثر حاجة ندمت عليها في حياتي هي أنو عرفت برشا عباد منيكة و عطيتهم قيمة و قدر أكثر من اللي يستاهلو و حبيتهم و عزيتهم و فرحتلهم و عطيتهم من وقتي و سيبت برشا حاجات على خاطرهم و وقت اللي يستحقوني يلقاوني و ما ريت منهم حتى شيء ، برشا كذب و برشا غدرة و برشا نفاق و قلة المعروف ، و عايشين بزوز وجوه و في ليلة و نهار ينكروك و ينكرو خيرك و اللي عملتوا معاهم الكل
ساعات الواحد يبقى بينو و بين روحو يشبع ضحك على روحو و يسخف عليها خاطر على قد ما تكون باهي على قد ما يستغلوك العباد و يعشقو ريحة الطحين و التسوقيط و تخديم المخ...
توصل تشعللهم صوابعك شمع على خاطرهم و يجي نهار يتقلبوا عليك في رمشة عين و في لحظة تولي خايب و تولي ماكش متاع صحبة و اكيد عاد إنت لازمك إطيح من روحك خاطر هوما عندهم مشاكل و إنت عندك صالة افراح...
و الله العظيم نحمد ربي و نقول حمد الله قد ما وجعوني و عملو معايا مستحيل نخمم نهار بش نضرهم و ديما نقول عند ربي خير و ضميري مرتاح

Posté par Aymen_75078 le 2022-08-31