Seif_11310 sur Sekritoo — Questions ❓

Questions ❓

بش نحكيلكم حكاية على جبل السبعينات ...وقت كنا ما عندنا حتى فرصة بش نحكيو مع البنية الي تعجبنا ونعجبوها كان في راحة 10 ولا راحة 4 في الليسي...وقت كانت الكار المدرسية مقسومة على زوز اجزاء جزء قدامي للبنات وجزء تيلاني للاولاد وقت كنا بش نحكيو مع بنية نبعثولها كارط بوستال فيها ورد والجريء فينا يبعث فيها زوز معنقين بعضهم ...وقت كانت بنت الحومة تخاف من ولد حومتها كيف ما تخاف من خوها وبوها وقت كان ولد الحومة امان لبنت حومتو...بش نحكيلكم على وقت كان فيه التدخين عيب كبير لازم تتخبى بش تتكيف ولازم تبتكر طريقة بش رائحة الدخان ما تبقاش...وقت كنا نعديو ساعات نستناو البنية لي مضروبين فيها تخرجش تقضي من العطار ولا تطلش من البركون...علاش تبدل الجو هذاكا وعلاش ولينا ما نمنوش الخو على اختو والصديقة على صديقتها في زمان توا الي جاب كل شي من الاخر....زعمة شكون المسؤول ؟؟؟؟؟

Posté par Seif_11310 le 2022-09-07