Sabrine_32735 sur Sekritoo — Questions ❓

Questions ❓

انا الكبيرة واختي تخطبت ودارنا يحضرولها في عرسها قال شنو خطيبها حاضر وانا لمن مخمم فيا او حاس بيا جيت نكلم في امي قلتها حتى مالناس راي تضحك علينا تعملي ارزن ولا شنيا واش دخل مكتوب في مكتوب كل حد وقسمو وكيف يجيك مكتوبك تاو تعرس!!!!
وهذا وراو فما شكون تقدملي ورفضوه خاطر ضروفي صعيبة وبابا يحب واحد يخدم وعندو شهرية وزيد يحبو يا عندو دار يا يكري دار...
وراو بابا عندو دار كاريها للبراني ميسالش اما باش عيطيني انا نسكن فيها بلاش لا
وتاو كيف جا خطيب اختي وقال يلوج على دار قريبة للكرا قالتلهم امي اكريو دار متاع بابا خاطر ديجا فرغت من ماي
يعني هي تكريها لاختي وخطيبها خاطر شيخلص وانا نسكن بلاش لا !!! هذا ااكل يلوجو عالفلوس
وكي حكيت لخالتي تعملي هوما مش عالفلوس اما خاطر الراجل الي تقدملي بخلي ولا يحب يخدم ويحب يغسل ساقيه ويدخل
تي شهمم يا ربي!!! انا نحب نعرس وراضية
امي تعملي لا خدمة لا شهادة باش بش يعيشك وانت هاك لا عندك صنعة لا خدمة باش تعيش روحك
تي هام يعاونو في خويا!! وكل شهر امي تبعثلو الزيت زيتونة وتبعثلو الخضرة واللدجاج العربي يجي لمرتو مريش حاضر وراو يخدم مهندس ولاباس.. تي علاش انا مايعاونونيش انا
محسوب طنجرة باش تطيب كي نهز منها انا فطوري وعشايا انا وراجلي محسوب باش يفقرو!!
راني بلي نحكي وشوية قلبي واجعني وتاو اختي الصغيرة 24سنة باش تعرس وانا عمري 27 سنة لا خطيب لا راجل!!
نحس في الدنيا ظلام وكي نتكلم نولي خفيفة ونولي مطروشة وامي تخسر عليا ارزن عيش بنتي!!!
حطو رواحكم في بلاصتي بالله!! كيفاش تاو هذا قال بيه ربي!!!
#منقول

Posté par Sabrine_32735 le 2022-09-10