Henda_54955 sur Sekritoo — Questions ❓

Questions ❓

توحشت نكتب، نحس في روحي ضايعة حتى من حروفي هاربة مني. كنت نهرب من الدنيا للكتيبة، ما نعرفش كيفاش عشت عامين و شوية من غيرها، من غير ما نهربلها، نسيتها ودفنت المنسية، هذاكا شنوا سميت روحي، المنسية، ياخي كبر بيا الحال ونسيت روحي وضاعت مني. تخنقت، نحس في احساس غريب، خوف ولا دراكيفاش، مانيش منجمة نعبر. نحس في روحي من داخل مكسرة وبكلي جروح، كاينها قامت فيا حرب و ما بقى منها كان حطامها، و كيما كتبت قبل "انا عبارة على ركام، بقايا دمار و حرب دامية، ما عادش عندي ما يترمم، واقفة ع الحافة، عندي مدة نحب نهرب لبعيد، ناخذ نفس، نغمض عيوني و نحل ايديا، نحس النسمة، راحة نفسية، سكات و نقدم خطوة على نفس الحافة، ثواني و توفى و تتنسى المنسية." نفس احساس عامين لتالي اما مانيش منجمة نعبر. توحشت نكتب، روحي ضاعت مني ووجيعتي كبرت برشا حتى الحروف معادش سايعتها.

Posté par Henda_54955 le 2022-09-20