Marwen_34560 sur Sekritoo — Questions ❓

Questions ❓

صباحم بالخير يا جماعت سكريتو ، قاعد نخمم وحدي مخي سارح وسالت روحي اذا الحب خدعة الطبيعة باش نعديو جيناتنا للاجيال القادمة شنو محل إيثار الاخر من الاعراب و بالتحديد مرحلة "نموت على خاطرك" هل تستقيم الفكرة هاذي في ضل طبيعة بشرية هدفها الاول تمرير جيناتها والثاني البقاء لحقيقة نتصور ايه والتاريخ اثبت مرة وثنين انو في العادة الاب ينجم ومستعد يضحي بحياتو باش يحمي صغارو ولا ام صغارو لاكن علاش انو من الحب يوصل يضحي بحياتو خاطر صاحبتو ولا عشيقتو هاذي لي مزلت نلوج عليها نعرف موجودة وعادية اما علاش ومبعد مخي سرح شبينا في مجتمعنا هذا نربطو في حاجة مزيانة كيما الحب بالموت اكاهو شبينا مستعدين نموتو خاطر نحبو اكاهو مش مالاصلح انك قبل ما تموت على خاطرو تكون مستعد تتبدل على خاطرالحب قبل خير مالي تبلبزها ومبعد تقول نموت على خاطرك ... اني توا نحب بنيا يا حليلتها وقررت نتبدل نعمل ميزاجور لروحي نحاول نولي احسن وخير وصدقوني كلمت نموت على خاطرك ساهلة وفعل انك تموت على خاطرو تحبلو برشا شجاعة وحب اما ساهل وما يكلش وقت اما تكرس حياتك باش تتطور وتحسن من روحك خاطر شخص صعيبة ، صحيح في الاصل لازم تطور روحك لاجل روحك اما فما ناس ما تشي كان بالاسباب العبد لله منهم كانتلي سبب وإنشالله تقدلي ديما سبب ...

Posté par Marwen_34560 le 2023-01-16