Ranim_10851 sur Sekritoo — Questions ❓

Questions ❓

سلام الناس الكل انا اليوم حبيت نحكيلكم علي تجربتي
عرست براجلي الي يعيش في فرنسا سنة 2016 بعد العرس بقي شهر و روح لفرنسا و اني في تونس نستني يركحلي أوراقي باش نمشي معاه طالت المدة و انا نستني 5 سنين هو عندو الأعصاب و ميكلمنيش ديما كان كيف يمشي بحضي أمو و تقلو شنية يقول و شنية ميقولش معندوش انترنات في دارو كي نسالها علاش ميكلمنيش ديما تقلي ميحبش التليفونات نتغشش نبكي نتقهر و ديما حماتي تقلي راهو يحبك و يستني فيك وقتاش تجي بعد نقول بري ميسالش نبرد و نفرح الحصيلو كي سهل ربي و مشيت لفرنسا بدأت الحقيقة تضهر حماتي قاتلي ماشية لتونس قلتلها بري علي روحك النهار الخامس مالي جيت روحت حماتي في الصباح نتفاجأ العشية يجي راجلي يقلي اخرج و يكلم اختو باش تهزني بحذها تصدمت بكيت حكي معايا راجل اختو قالي راهو مش باش يهنيك اعمل وراقك و اخدم و طلق و اني منيش فاهمة علاش يعمل اكاك الحصيلو بقي ديما يخرج فيا عند اختو و بعد يرجعني و يقلي سامحني لين جات أمو زاد هبل معاش حاجتي بيك الي عديتو في دار أمو اكثر مالي عديتو في داري اخيب حاجات ممكن تلقاها في راجل موجوده فيه يقمر و كي توفي الفلوس يدور يطلب مالعباد يشرب يزطل و كي قلت لدارهم راهو يزطل كذبوني قالولي مش صحيح اما ربي كشفو قدامهم وعرفوا مبعد الي هو يعمل اكاكا مالزطلة الي هبلتو و خلاتو يتخيل حاجات مش حقيقية حبلة و مرحمنيش و لا سخف عليا يقلي منيش مطلوب فيك نوكل فيك رجعت أمو لتونس ولا مريقل بقي شهر مخرجنيش اما بعد ولا يجيب في الزطلة و يتكيف في الدار دخل بعضو ضربي و اني حبلة اختو هزتني لسبيطار شافني طبيب و عطاني شهادة طبية و كلم الشرطة و كلم مرشدة اجتماعية الي بعد ولات تجني لدار و قاتلي كان باش تبقي معاه نفكولك بنتك اني تصدمت قلت معاش فيها يزي معانيت قالتلي المرشدة لازم تمشي لبلاصة بعيدة عليه باش معاش يضرك فتكم بالحديث كي ضربني شدوه في السبيطار و انا بقيت في الدار وحدي وقتها ميزلت معملتش وراقي
نهار جاتني المرشدة قاتلي لازم فيسع تمشي راهو ممكن يخرجوه في اي وقت سبحان الله من غدوة كلموني préfecture باش نهز أوراقي كانو أوراق 10 سنين نهار الي قررت نخرج فيه جات الشرطة باش تحميني و بعد 4 شهور ولدت بنتي حبو يرجعوني محبيتش و حد ميعرف انا فين ضروني برشا انا تو نحب نروح مع بنتي لتونس انا هو ميحبش يعملي ترخيص أبوي شكون ينجم ينصحني شنعمل

Posté par Ranim_10851 le 2023-01-16