Aymen_75078 sur Sekritoo — Questions ❓

Questions ❓

• باش يقلّك "راني شريت كرهبة" أما موش باش يقلّك "راني نخلص فيها بالأقساط و مازلت موسال" 🚗💰
• باش يقلّك "راني كمّلت بنيت داري" أما موش باش يقلّك "قداش امو و لا بوه تعب معاه و صحتو مشات و إلّي 50 % من شهريتو مقصوصة لمدّة 20 سنة و الدار مرهونة للبانكة" ...🏠💵🏦
• باش يقلّك "باش نعمل أحلى سهرية بمناسبة كذا .. " أما موش باش يقلّك "لازمني شهور و أنا نلمّد و نصرف قد قد باش نجم نعملها" ...🎊🤷
• باش يقلّك "راني c bon كوّنت و تو وقيّت نرّوح مالغربة" أما موش باش يقولك قداه تعب و ضحّى و تمرمد و شبع كفوف مالدنيا غادي"....🤦
طبيعي و أن الشخص يشاركك انتصاراته ...و لكن سيخفي الجانب الصعب لنفسه .. فلا تحسدوا الناس على نصيبهم من الخير لمجرد أن نصيبهم من المعاناه غير مرئي للعلن .. فقط قل كان الله فالعون و امضي♥️ سعادة الآخرين لن تضرك ، غِناهم لن يُنقص من رزقك و صحتهم لن تسلب منك عافيتك ، عِش نقياً ، وتمنى للناس ما تتمنّاه لنفسك🌹

Posté par Aymen_75078 le 2023-01-17